مصطلحات ...هيك وهيك ...

من طرف dana الجمعة أكتوبر 31, 2008 12:44 am

مرحبا مرحبا ... اليوم دندون جايبتلكون معا شوية مصطلحات من يلي بنئولون دايما يعني كتير وئت نحكي هيك

بنشلفلنا كلمة او جملة بنكون ئاصدين فيا شي غير يلي بنئولو بس الحدق بيفهما خلينا نبدا اي ونئول معنا

هالجمل بالمشرمحي متل ما بيئولوا :

ـــ شو بدك بطول السيرة

جملة محشورة داخل قصة يزيد عدد كلماتها عن 100000000كلمة

ـــ بدك الصحيح والا ابن عمه ؟؟؟؟؟!!!!!

مقدمة لكذبة من الحجم العائلي يعني هالئد كبر لهالكزبة

ــــ وماشفنالك إلا ....

موسيقى تصويرية قوتها 7.9 على مقياس ريختر لقصة سخيفة

ـــ وما كذبت خبر .......

عبارة لنفش العضلات وبداية لكذبة ورسم بطولات ما حصلت إلا بالخيال

ـــ انت لسا ما بتعرفني ......

تقال عندما يشعر المتكلم انه تبهدل وانمسحت بكرامته الارض

ـــ الله يستر عليها ....

تقال بعد نهاية كل قصة تم فيها نشر غسيل جميع بنات الحارة وصديقات بنات الحارة

ـــ إشتهيناك تكون معنا ...

تقال لحرق أعصاب المستمع واذلال شعوره

ـــ أنا، لا تواخذني بهالكلمة ....

مصطلح يهيؤك نفسيا لسماع مسبّة ولكن بطريقة مؤدبة

ـــ أنا والله مو فارئة معي ....

تدل على اهتمام المتكلم حتى الموت بالموضوع

ـــ سيدي ما علينا .....

نهاية الحديث البايخ اللي كان عميحكي فيه على غيره بما لا يخصه

ـــ عيّن خير .....

بعبارة أخرى ....انسى الموضوع

ـــ لا يروح فكرك لبعيد

يعني طنّش عن كل البلاوي اللي خبرتك عنا

ـــ والله لو عرفان ما كنت تركتك .....

عبارة لتسفئو منّيّة ببلاش فوء الكمّ اللي أكلو

وبس وبس وهيك بنكون خلصنا بس ئلولي معي حئ ولا لأ ؟؟؟؟؟!!!!!!