المنحوس....بيبئا منحوس

من طرف dana الإثنين أكتوبر 27, 2008 2:44 pm

مرحبا كيفكون شو اخباركون انشاء الله تكونوا كلكون تماما....انا منيحه الحمد لله شكرا لسؤالكون ...اليوم بدي ئلكون ئصة واحد يا حرام منحوس كتير وهالرجال خطي ئديشو معتر ....خلينا نبدا بالئصة أي ...يلا لكان

المنحوس ... بيبئا منحوس:

ئال بيئلكون كان فيه مره واحد منحوس بكل شي اذا راح للبيت صارت معو مشكلة واذا راح للشغل كمان بيصير معو مشاكل يعني انسان تعيس مالو حز منحوس بكلشي.....
وبيوم من الايام قرر هالمنحوس انو يسافر لحتا يفك هالعئدة ويغير عيشتو لحتى يتغير حزو....
المهم سافر وركب الطيارة و برضو منحوس .....لأنو كابتن الطيارة لئا انو الطياره تئيله ولازم ينئصوا واحد من الركاب....ئام كلون تفئوا انون يعملوا قرعه ئام ئال المنحوس انا بدي انسحب من القرعه لاني بعرف حالي منحوس .....ئام ما ئبل كابت الطيارة واصر على الجميع انوا يشتركو بالقرعة .. والمسكين كل ما يعيدوا هالقرعة تجي عليه.... فقرروا انهم ينزلوا هالمنحوس ويرموا بالصحراء حاول معون وترجاهون بس الكل أصر عليه.....
...ئام حن عليه واحد وعطاه سندويش كباب وببسي كرمال إذا جاع ياكل....
ونزل هالمنحوس..... ومعو هالسندويش والببسي وضلو يمشي و يمشي لحتى لئا الفانوس السحري ئام فرح كتير كتير وئعد على الارض وصار ويفرك بالمصباح و يفرك
لحتى طلعلو الجني وئلو " شبيك لبيك عبدك بين ايديك اطلب واتمنى" ..
ئام ئال المنحوس والله انا بدي ارجع لبلدي وماعم اعرف كيف ؟

ئام ئلو الجني: هي هيي؟
أي هي بسيطة ماعليك أنت بس غمض عنيك وعد للتلاتة وبعدا مابتلائي حالك الا وصرت ببلدك المنحوس على نياتو المسكين غمض عني ويا حزركون يا فزركون شو صار بعدا؟؟؟؟!!!!........

:

:

:

:

:

:
ا

هاد يا حلوين وبلا طول سيرة الجني أخد سندويش الكباب والببسي.............. وهرب ..... لك جد انو معتر هالرجال

ههههههههههههه يارب يكون عجبكون الموضوع .....احلى تحية من اختكون دندون flower