أسئلة يومية مالا معنى ...بس بتنسئل

هاي للكل

اليوم رح نشوف سوا أسئلة يومية وبتتكرر كتير معنا وعلى فكره نحنا مو بس بننسئلا نحنا بنسئلا كمان
خلينا نشوف سوا اي


هاد يا سيدي بتكون ماسك التلفون وعم تدء الارقام بدك تحاكي حدا فجأة بيجيلك عنصر مفاجئ من اهلك وعلى

وجهه علائم الاستغراب والدهشة وبيسألك :بدك تحكي بالتلفون ؟


طيب نئول شي تاني بتكونو معزومين على بيت حدا وبتدقوا الباب ...... بيفتح واحد فهمان وكمان بيئول بدهشة

: هه انتوا اجيتوا؟؟؟؟؟؟ ......انو لا والله لسا بالطريئ شو رأيك ؟

بتكون لابس أحلى تيابك ومتعطر وحامل مفاتيح سيارتك وجزدانك وداحل لبرا البيت بيجي حدا من اهلك بيسألك ........شو رايحلك شي مشوار؟؟؟؟! لا والله طالع على الأسطوح صلح مواسير المي

حاطط راسك بين هالكتب وعم تدرس لحتى تئول بكرا العيد ، بيجي أبوك أو أمك ......: عم تدرس ؟؟؟؟!!!!
.... لا والله عم غير زيت السيارة

بتطلع بتكسي وهيك بترتاح وبترتب ئعدتك وبتطلع فلوس للسواء على اساس انو رايح مشوار معروف ئديش
ئيمتو ...بيئوم اخينا بالله وبكل برود اعصاب بيطلع عليك وبيئول .... واحد؟؟؟؟؟؟ :لا شو رأيك بدفع عن صاحبي هيو بالتكسي يلي ورانا...!

بتكون فايت على البيت .....بتطلع فيك أمك وبكل زكاء بتئلك .....شو اجيت؟؟؟..!!!!! أي اجيت ماما


بتتصل مع واحد من رفئاتك من رقم الشغل وهو حافظة بيئوم بيئلك ........شو بلائيك بالشغل؟؟؟؟؟ ...وطبعا

بيكون وئت الدوام لسا بأوله ما خلص ..... لا تعليق


بتفيئ الصبح وبتكون عم تغسل بوشك بيجي واحد من اهلك بيئلك .... شو فئت!!!؟؟؟؟؟ انو لا والله عم أمشي بنومي

ياسيدي بيشوفوك عم تحكي بالتلفون وصوتك وصلان للجيران... بيئلولك شو عم تحكي؟؟؟؟ لا عم العب طابة


بتكون طالع أنت ورفئاتك شي مشوار وعاطي خبر لأهلك انو بدك تتأخر وبأول المشوار والطلعة بيرن تلفونك وإذا واحد من الأهل الأحباب :...شو بدك تطول هينا بنستناك .....؟؟؟....... لا والله انا مارح طول

كنت عم اضحك عليكون انو بدي أتأخر اليوم .

وبتكون صرلك زمان مو شايف واحد بيجي بيئلك ...: شو لساتك عايش ؟ ..... لا متت......!

وبتكون نايم وميت نعس بيجي واحد من اهلك بيفيئك وهو عم يسأل : نايم ؟؟؟؟؟........ لا والله عم عد خيطان وش المخدة

لا شو رأيكم بالنوع التاني كمان ...... هيك بيدخل عليك بشوييييش وبيئرب لعندك وأنت نايم وبيفيئك بهدوء وبيهمسلك بادنك .....وبئلك : كانو بدون يفيئوك بس انا ما خليتون......... اي كتر خيرك يا أكابر ..........










إن شاء الله يكون عجبكون الموضوع ...... وتقبلوا أجمل تحياتي ...اختكون دانا .